A Sementeira (Texto e Dirección de Nazaret López)
En Manle, unha aldea próxima a Capital e illada por
autoestradas, autovías e ferrocarrís, comezan as obras de
construción do túnel do novo tren de alta velocidade. Os
veciños asumen estes cambios ao seu xeito. A Sega (Texto e Dirección: Carlos Santiago)
O cabaret autonómico abre as súas portas esta noite para
presentar unha actuación estelar. A madama que rexenta
este local ten unha língua coma un fouciño, disposta a segar
alí onde sexa preciso, mediante unha combinación de
humor e ironía que dá lugar a esa actitude nacional
chamada retranca. A Malla (Texto e Dirección: Lucho Penabade)
Na aldea da Seara non quedan máis animais ca os de
plástico que constrúe o rapaz. Os tres vellos que viven alí
bótanlle unha man para entreter o tempo. Un día reciben a
visita sorpresa dunha rapaza da cidade que ven coñecer a
casa na que naceron seus pais, antes de que a vendan. O Pan (Texto e Dirección: X. H. Rivadulla Corcón)
O alimento máis universal é o pretexto poético para falar dos
males do individuo na sociedade actual: a soidade, a perda
dos valores da colectividade, a incomunicación...